لە دواى ئەوەى رۆژووەکەت شکاند ئەم کارە بکە

 پزیشک و پسپۆرانی بەدەن ناسی ئامۆژگاری رۆژووەوانان دەکەن لە کاتی رۆژوو شکاندن، ١٠ خولەک درەنگتر نان بخۆن چونکە یەکێ لە گەورەترین ھەڵەکان ئەوەیە نان بە خێرایی بخورێ.
یوسف ئایدن مامۆستایە لە کۆلێژی پزیشکیی سەر بە زانکۆی دوزجە، هۆشداریی دەداتە ئەو کەسانەی بە رۆژوون کە خۆیان بپارێزن لە خێرا نانخواردنی دوای رۆژوو شکاندن.

ئایدن دەڵێ: لە کاتی رۆژووشکاندن، یەکێک لە گەورەترین ھەڵەکان ئەوەیە بە خێرایی دەست بە نانخواردن بکرێ. پێویستە دوای رۆژوو شکاندن ١٠ خولەک دواتر هێدی هێدی دەست بە نانخواردن بکەن.

ئایدن ئاماژەی بەوەدا بەهۆی ئەوەی رەمەزانی ئەمساڵ کەوتۆتە نێو گەرمای ھاوین، لەشی مرۆڤ لەڕووی شلەمەنییەوە دوچاری گرفت دەبێ، بۆیە پێویستە رۆژووەوانان ئاگاداری ئەو کێشەیە بن و خواردنی قرس نەخۆن.

ئایدن وتیشی: "ژن و پیاوە پیرەکان کاتێ لە گەرمایەکی زۆردا رۆژوو دەگرن، دەبێتە ھۆی کەمبوونی ئاو لە لەشیاندا، ئەوەش دەبێتە ھۆی باش کارنەکردنی گورچیلە، لەبەر ئەوە پێویستە لە پارشێو و بەربانگ ئاوی زۆر بخۆنەوە . پێویستە لە خواردنەوە گازییەکان دوور بکەونەوە. هەروەها لە پارشێواندا شیر، ھێلکە، پەنیر و ماست کە پرن لە پرۆتین وا دەکەن کە برسی نەبن. بخۆن."

دیسان ئامۆژگاری دەکا بە درێژایی مانگی رەمەزان، پێویستە میوە زۆر بخورێ.