ڕۆژوو ( دڵ و مـێـشـک ) ی‌ مـرۆڤ بـه‌هـێـز و چـالاک ده‌کـات

 

توێژینه‌وه‌یه‌کی‌ پزیشکیی‌ نوێی‌ ئه‌ڵمانی‌ ئاشکرایکردووه‌ که‌ڕۆژوو گرتنی‌ ساڵانه‌ و چه‌ند ڕۆژێکی‌ مانگانه‌ش به‌چالاککارێکی‌ زۆر باش و به‌سوودی‌ مێشکی‌ مرۆڤ داده‌نرێت, هه‌روه‌ک مرۆڤه‌ ڕۆژووه‌وانه‌که‌ش له‌تووش بوونی‌ به‌جه‌ڵته‌ی‌ مێشک ده‌پارێزێت .

پێشتریش توێژینه‌وه‌یه‌کی‌ تری‌ توێژه‌رانی‌ پزیشکی‌ له‌په‌یمانگای‌ ( دڵ ) له‌زانکۆی‌ – ئینترمونتین – ی‌ شاری‌ " مـورای‌ " ئه‌مریکی ئه‌وه‌ی‌ سه‌لماند که‌ڕۆژوو گرتن ئێجگار به‌سووده‌ به‌ته‌ندروستی‌ مرۆڤ و دڵـی‌ به‌هێز ده‌کا و ( ژه‌هـر ) ه‌ که‌ڵه‌که‌ بووه‌کانی‌ لاشه‌ش ده‌گۆڕێت بۆ ووزه‌ .

له‌توێژینه‌وه‌ی‌ ئه‌و زانا و توێژه‌رانه‌دا که‌ " 3 " سـێ سـاڵی‌ خایاندووه‌, ئه‌وه‌ش ده‌رکه‌وتووه‌ که‌خۆگرتنه‌وه‌ له‌خـواردان و خـواردنه‌وه‌ بۆ ماوه‌ی‌ ( 10  بۆ  12 ) کاتژمێر له‌ڕۆژێکدا وا له‌لاشه‌ ده‌کات که‌به‌دوای‌ سه‌رچاوه‌یه‌کی‌ ووزه‌دا بگه‌ڕێت, بۆیه‌ که‌له‌ئه‌نجامدا هیچی‌ ده‌ستناکه‌وێت و به‌ناچاری‌ په‌نـا بۆ ژه‌هـر و چـه‌وریـیـه‌ که‌ڵه‌که‌ بووه‌کان ده‌بات و ده‌یانتوێنێته‌وه‌ و به‌جۆرێکی‌ تر ده‌یانکاته‌وه‌ به‌ووزه‌ و کاره‌کانی‌ خۆی‌ به‌باشی پێ ڕایی ده‌کات .